Энергетика министрлігіндегі кеңесте күзгі-қысқы кезеңге дайындық, желілердің сенімділігін арттыру және өңірлік электр желілік компаниялардың жұмыс тиімділігі мәселелері талқыланды.
Комитет төрағасы Ержан Ертаев электр желілерінің тұрақты жұмысы елдің энергетикалық қауіпсіздігіне тікелей әсер ететінін мәлімдеді. Оның сөзінше, тұтынушыларды тұрақты электрмен қамтамасыз ету үшін жөндеу науқанын уақытылы аяқтау қажет.
2025 жылы 17 мың шақырымнан астам желі, 420 қосалқы станция және 3 599 тарату және трансформаторлық қосалқы станция жөнделді. Бұл жұмыстардан кейін технологиялық бұзушылықтар саны 5%-ға азайды, ал электр энергиясын беру көлемі 4%-ға өсті.
2026 жылға 17 098 шақырым желі, 444 қосалқы станция және 3 408 тарату, трансформаторлық және толық трансформаторлық қосалқы станцияларды күрделі жөндеу жоспарланған. Қазіргі уақытта осы жұмыстардың едәуір бөлігі орындалды.
Кеңесте сондай-ақ электр энерясын беру лицензиялау, инфрақұрылымды жаңғырту және сала кадрларын нығайту мәселелері қаралды. Бөлек өңірлік электр желілік компаниялардың жағдайы талданды және олардың даму бағыттары айқындалды.
Ержан Ертаев қысқа дайындық ағымдағы жөндеулермен шектелмеуі керектігін атап өтті. Әрбір кәсіпорын жабдықтың тозуын азайтудың ұзақ мерзімді стратегиясына ие болуы тиіс.