Күн тәртібіне халықаралық қаржы ұйымдарымен келісімдерді ратификациялау туралы заң жобалары бойынша қорытындылар дайындау мәселелері енгізілді.
Парламентшілер инклюзивті және тұрақты экономикалық өсу бағдарламасына Азия инфрақұрылымдық инвестициялар банкімен қарыз туралы келісімді зерттейді. Сондай-ақ, Қазақстан мен Өзбекстан үкіметтері арасындағы трансшекаралық су объектілерін бірлесіп басқару туралы келісім қарауға шығарылды.
Жеке тармақ ретінде экономиканың инклюзивті және тұрақты өсуін дамытуға Халықаралық қайта құру және даму банкінің екінші қарызы болады. Бұл мәселе бойынша баяндаманы қаржы министрі Мади Такиев жасайды.
Депутаттар Еуразиялық экономикалық одақ пен Біріккен Араб Әмірліктері арасындағы экономикалық серіктестік туралы келісімді талқылайды. Баяндамамен сауда және интеграция министрі Арман Шаққалиев сөз сөйлейді.
Сонымен қатар, Мәжіліс Ұжымдық қауіпсіздік жүйесі құрамаларының мәртебесіне және әскери құрамаларды тасымалдауға қатысты ҰҚШҰ келісімдеріне өзгерістер енгізу туралы хаттамаларды қарайды.