Баянауыл ұлттық паркі Павлодар облысының оңтүстік-шығысында,
өнеркәсіптік Екібастұз қаласынан 100 км жерде, Орталық Қазақстан
ұсақ шоқысының шетінде орналасқан. Баянауылдың ең биік нүктесі — 1027 м биіктіктегі Ақбет тауы. Парк аумағында төрт ірі тұщы су көлі бар. Олардан басқа тағы да көптеген шағын көлдер бар. Ең ірі көл — Сабындыкөл, ондағы су өте жұмсақ. Аңыз бойынша, көлде сұлу Баян шашын жуып, ішіне сабынын түсіріп алған. Ең мөлдір көл — Жасыбай, жағажайдан ашылатын әсем көрінісі мен таза суының арқасында бұл көл демалудың сүйікті орны болып табылады. Ал егер балық аулағыңыз келсе, Жасыбай көліне баруыңыз керек, себебі дәл осы жерде балық көп мекендейді. Жел мен судың көп ғасырлық өңдеуі нәтижесінде ғажайып пішінге енген жекелеген жартастар мен тастар ерекше қызығушылық тудырады. Ең әйгілілерінің бірі — «Баба-Яга» мүсіні. Бұл өңірдің тағы бір көрнекті жері — «киелі үңгір». Наным бойынша, үңгірге кіріп тілек тілеген әркімнің тілегі міндетті түрде орындалады деп саналады.
Қашықтықты есептеу
